iMpulsa
En decembro de 2023, a Fundación Amancio Ortega e Ayuda en Acción inician o proxecto piloto iMpulsa en Galicia en tres centros da provincia da Coruña.
No proxecto piloto, baseado na experiencia de ambas as fundacións no ámbito educativo, participan nenos e nenas de 5º e 6º de Educación Primaria, mozos e mozas de primeiro e segundo ciclo de Educación Secundaria e estudantes de Formación Profesional. Está baseado nun enfoque multidisciplinar, creando contornas favorables para evitar o fracaso escolar e o abandono educativo temperán.
O proxecto, co obxectivo de motivar a continuidade educativa contribuirá ao proxecto de vida do alumnado de contornas vulnerables, favorecendo a finalización da escolarización obrigatoria.
A iniciativa centrarase en dous ámbitos:
- a transición da etapa Primaria á Secundaria e previr o abandono educativo temperán escolar en idades críticas.
- a transición cara á vida laboral, implementando proxectos de orientación, formación e acompañamento para os últimos anos da Educación Secundaria Obrigatoria (ESO) e FP.
A educación é a base para mellorar a nosa vida e o desenvolvemento sostible. Ademais de mellorar a calidade de vida das persoas, o acceso á educación inclusiva e equitativa pode axudar a abastecer á poboación local coas ferramentas necesarias para desenvolver solucións innovadoras aos problemas máis grandes do mundo.
Pese a que a taxa de pobreza mundial veuse reducida á metade desde o ano 2000, nas rexións en desenvolvemento unha de cada dez persoas, e as súas familias, segue a subsistir con 1,90 dólares diarios e hai millóns que gañan pouco máis que esta cantidade diaria. Lográronse avances significativos en moitos países do Asia oriental e sudoriental, pero case o 42 por cento da poboación da África Subsahariana continúa vivindo por debaixo do limiar da pobreza.
Un programa exitoso de desenvolvemento sostible require alianzas entre os gobernos, o sector privado e a sociedade civil. Estas alianzas inclusivas construídas sobre principios e valores, sobre unha visión e metas compartidas, que colocan a xente e o planeta no centro, son necesarias a nivel global, rexional, nacional e local.